არაერთი ავტორიტეტული გამოცემა წერს, რომ მაიკლ ოლისეს მადრიდის „რეალში“ გადასვლა მკაცრად აქვს გადაწყვეტილი.

ფრანგი ფეხბურთელი ღიად აფიქსირებს, რომ სამეფო კლუბში გადასვლა მისი ოცნებაა და კარიერული განვითარებისთვის ეს ნაბიჯი სწორი იქნება.

თავის მხრივ, მადრიდის „რეალი“ მზად არის, ოლისეს სანაცვლოდ 200 მილიონ ევროზე მეტი გადაიხადოს, თუმცა „ბაიერნთან“ ინსტიტუციური ურთიერთობის გაფუჭება არ სურს და თავად ფეხბურთელისგან ელოდება მკვეთრი ნაბიჯების გადადგმას.

„მარკას“ ინფორმაციით, უახლოეს დღეებში მაიკლი „რეკორდმაისტერის“ ხელმძღვანელობას შეხვდება და ყველაფერს კიდევ ერთხელ დააფიქსირებს.