კარიმ ბენზემა დაიბადა საფრანგეთის ქალაქ ლიონში 1987 წლის 19 დეკემბერს, ალჟირელი ღარიბი ემიგრანტის ოჯახში.

მისი ოჯახი შედგებოდა დედ-მამისგან და 9 დედმამიშვილისგან. კარიმი ცხოვრობდა ლიონის ღარიბ უბანში "ბრონ ტერალიონში". 8 წლის ასაკიდან კარიმი თამაშობდა კლუბ "ბრონ ტერალიონში", სადაც მალევე შეამჩნიეს თავისი შესაძლებლობების წყალობით , რომელიც საშუალო დონეს ბევრად აღემატებოდა. ბენზემა 9 წლის იყო , როცა მოხვდა "ლიონის" სკოლაში, ხოლო სულ რაღაც 17 წლის ასაკში "ლიონის" სარეზერვო გუნდის ერთ-ერთი საუკეთესო ფეხბურთელი გახდა. 2004 წლის დეკემბერში ფრანგი ჩაირიცხა "ლიონის" ძირითად გუნდში.

2005 წლის 15 იანვარს , საფრანგეთის ჩემპიონატში შედგა მისი დებიუტი. 2005/2006 წლის სეზონში საფრანგეთის ლიგაში ბენზემამ გაიტანა პირველი გოლი აიაჩოს კარში. კარიმის დებიუტი ევრო ტურნირებზე შედგა ჩემპიონთა ლიგის ჯგუფურ ეტაპზე როსენბორგის წინააღმდეგ, სადაც მან მოახერხა გოლის გატანა.

2007/2008 წლის სეზონში ბენზემამ გაიტანა 20 გოლი საფრანგეთის ლიგაში და გახდა ბომბარდირი. ამის შემდეგ , ფრანგი თავდამსხმელით დაინტერესდნენ ისეთი გრანდები , როგორებიც არიან "მადრიდის რეალი", "ტურინის იუვენტუსი" , "ლივერპული" და "ჩელსი", მაგრამ კარიმმა განაცხადა ,რომ არ სურდა "ლიონის" დატოვება და 2008/2009 წლის სეზონში მან გაიტანა 17 გოლი.

ამ ყველაფრის შემდეგ, ფრანგის მიმართ ინტერესი ისევ ძალიან დიდი იყო , მაგრამ კარიმმა არჩევანი შეაჩერა მადრიდულ გრანდზე და 2009 წლის 1 ივლისს 35 მილიონი ევროს სანაცვლოდ ბენზემა ჩაირიცხა "მადრიდის რეალში" სადაც გააფორმა 6 წლიანი კონტრაქტი. კარიმი გულშემატკივრების წინაშე ოფიციალურად წარსდგა 9 ივლისს, სანტიაგო ბერნაბეუზე გამართულ პრეზენტაციაზე , რომელსაც დაესწრო 20 000 მადრიდისტა. ისინი ოვაციებით შეხვდნენ კარიმს. იგი გახდა მეხუთე ფრანგი , რომელიც "მადრიდის რეალში" გადავიდა სათამაშოდ.

1 სეზონის შემდეგ ბევრი თვლის , რომ ბენზემამ ისევ ვერ გაიარა ადაპტაცია და ვერ თამაშობს იმ ფეხბურთს , რომელსაც გულშემატკივარი ელის, მაგრამ ფარნგი მაინც ითვლება უნიჭიერეს და პერსპექტიულ ფეხბურთელად, რომლის შეძენითაც გრანდები არიან დაინტერესებული , მაგრამ ამ ყველაფრის მიუხედავად ბენზემა "მადრიდის რეალში" ირიცხება.


P.s ეს ჩემი პირველი სტატიაა