მადრიდის „რეალი“ ორელიან ჩუამენის ახალ კონტრაქტს და კოლოსალურ ხელფასს სთავაზობს. შეთანხმების შემთხვევაში, ფრანგი ნახევარმცველი კლუბის ერთ-ერთი ყველაზე მაღალანაზღაურებადი წევრი გახდება.

პერესი ამზადებს შეთავაზებას, რომლის მიხედვითაც, ჩუამენი „ბლანკოსის“ რიგებში 2031 წლის 30 ივნისამდე დარჩება, მისი წლიური ხელფასი კი 13 მილიონ ევროს მიაღწევს.

როგორც ჩანს, ჟოზე მოურინიოსთან საუბარმა პერესს გეგმები შეაცვლევინა და ის ჩუამენის გაშვებაზე აღარ ფიქრობს.

ფაბრიციო რომანოს თქმით, მოლაპარაკებები წარმატებით მიმდინარეობს და მალე ოფიციალური განცხადებაც გაკეთდება, რომელიც კონტრაქტის გახანგრძლივებას შეეხება.