ესპანური გამოცემების ცნობით, ფრან გარსია „ბეტისში“ გადასვლასთან ძალიან ახლოს არის.

ესპანელი ფეხბურთელი ანდალუსიურ კლუბს 4 წლიან კონტრაქტზე ესაუბრება. აქვე ცნობილი ხდება, რომ განაპირა მცველის სატრანსფერო უფლებების 50%-ს სამეფო კლუბი დაიტოვებს.

თუ მომდევნო 2 წელიწადში „რეალი“ ფრანის დაბრუნებას გადაწყვეტს, შესაბამისი თანხის გადახდის შემდეგ მოთამაშე ბერნაბეუზე დაბრუნდება, ხოლო თუ მომდევნო 4 წლის განმავლობაში გარსია სხვა კლუბში გაიყიდება, „მერენგები“ სატრანსფერო თანხის ნახევარს მიიღებენ.

„მარკას“ ინფორმაციით, ფრანის „ბეტისში“ გადასვლა ფაქტობრივად გადაწყვეტილია და მოლაპარაკებები მხოლოდ მცირე დამაზუსტებელ დეტალებზე მიმდინარეობს.