ორელიან ჩუამენის პრემიერლიგაში ტრანსფერთან დაკავშირებით სერიოზული სიახლეებია. მანჩესტერ „იუნაიტედის“ ხელმძღვანელობა მადრიდში ისე მიემგზავრება, რომ კონკრეტული შედეგის მიღწევა სურს, სატრანსფერო თანხა კი კოლოსალურია.

მანჩესტერელები ორელიანის სანაცვლოდ არც მეტი, არც ნაკლები 115 მილიონ ევროს იხდიან და მიაჩნიათ, რომ ფლორენტინო პერესი ამ წინადადებაზე უარს ვერ იტყვის.

მაიკლ კერიკს „ოლდ ტრაფორდზე“ ნახევარდაცვის სერიოზული გაძლიერება აქვს მიზნად დასახული, ჩუამენის კი უმნიშვნელოვანეს ფიგურად მიიჩნევს.

ესპანური გამოცემების ცნობით, ჩუამენის შესახებ დამატებითი ინფორმაციები მალე გავრცელდება და ამ კვირის ბოლომდე გარკვეულ შედეგებსაც ვიხილავთ.