მას შემდეგ, რაც გერმანიის ნაკრებმა ყაზახეთი დაამარცხა 0-3, სამეფო კლუბის ორი ფეხბურთელი, მესუთ ოზილი და სამი ხედირა ნაკრებს გამოეთხოვნენ და მადრიდისკენ აიღეს გეზი. გერმანელმა ფეხბურთელებმა მადრიდში ჩაფრენა ესპანეთის დროით 11:00 საათზე მოახერხეს და დღევანდელ ვარჯიშში ისინიც მიიღებენ მონაწილეობას. აეროპორტში ხედირამ კომენტარი გააკეთა...

"ნაკრებმა შესანიშნავად იასპარეზა და საჭირო ქულები ავიღეთ, წარმატებით კმაყოფილი ვარ, ახლა უკვე მადრიდში ვიმყოფები და მხოლოდ "რეალზე" ვფიქრობ, სანაკრებო ბატალიებმა უკვე ჩაიარა."

"დღეს საღამოს ვარჯიშზე გამოვცხადდები და ჟოზე მოურინიოს განკარგულებაში ვიქნები, სულ მალე ლა ლიგის მომდევნო მატჩი გველის, მთელი გუნდი მალაგასთან მატჩზეა კონცენტრირებული, აუცილებელია გამარჯვება, თანაც სტუმრად. მეტოქე გუნდი სახლში კარგად გამოიყურება და ისინი უნდა დავაფასოთ."

"პორტუგალიის ეროვნული ნაკრები კარგ ფორმაშია, რონალდომ იდეალური გოლი გაიტანა და კიდევ ერთხელ დაამტკიცა, რომ უძლიერესი ფეხბურთელია, მე ვნახე მისი სტანდარტი და აღფრთოვანებული დავრჩი. როდესაც პორტუგალიელს ვნახავ, აუცილებლად მივულოცავ დიდ წარმატებას, იგი ჩემი მეგობარია."