მიუხედავად იმისა, რომ ფრანკო მასტანტუონოს გაშვებაზე მადრიდის „რეალმა“ რამდენჯერმე თქვა უარი, მსურველი კლუბები მაინც აქტიურობენ.

იტალიური გამოცემების ცნობით, ტურინის „იუვენტუსს“ არგენტინელი წინახაზელის დამატება სურს და მზად არის, რამდენიმე ვარიანტი განიხილოს.

„იუვე“ თანახმაა, როგორც 1 წლიან, ასევე 2 წლიან საიჯარო ხელშეკრულებაზე.“

„„ბებერი ქალბატონის“ ხელმძღვანელობა ასევე განიხილავს 4 წლიან კონტრაქტს, სადაც სატრანსფერო უფლებების 50% ფლორენტინო პერესს დარჩება და არგენტინელს საჭიროების შემთხვევაში ნებისმიერ დროს გამოისყიდის.

„მარკას“ ცნობით, ჟოზე მოურინიოს სურს, რომ  მასტანტუონოს ვარჯიშებზე დააკვირდეს და მის შესაძლებლობებს გაეცნოს.

„„რეალი“ არგენტინელს მხოლოდ იმ შემთხვევაში გაუშვებს, თუ „განსაკუთრებული“ იტყვის, რომ ის ბერნაბეუზე სათამაშოდ ჯერ მზად არ არის.