ესპანური გამოცემების ცნობით, თურქული „ფენერბაჰჩე“ სერიოზულ გაძლიერებას განაგრძობს და ბრაჰიმ დიასს დაადგა თვალი.

თურქებმა უკვე გაიფორმეს ნათან აკე, მაგრამ ამაზე გაჩერებას არ აპირებენ და წინა ხაზის გაძლიერება აქვთ მიზნად დასახული.

არსებული ინფორმაციით, „ფენერისა“ და სამეფო კლუბის ხელმძღვანელობას შორის ბრაჰიმ დიასთან დაკავშირებით კომუნიკაცია უკვე შედგა.

ჯერ-ჯერობით უცნობია ფინანსური დეტალები, მაგრამ ესპანელები იუწყებიან, რომ „რეალი“ ბრაჰიმ 40 მილიონ ევროზე ნაკლებად არცერთ შემთხვევაში არ გაყიდის.

თავად დიასი მსოფლიო ჩემპიონატზე იმყოფება, ბოლო ინტერვიუში კი განაცხადა, რომ ჟოზე მოურინიოსთან მუშაობის პერსპექტივით აღფრთოვანებულია.