ბრაზილიის ნაკრების მსოფლიო ჩემპიონატიდან ნაადრევად გამოთიშვამ მადრიდის „რეალის“ გეგმები შეცვალა.

არსებული ინფორმაციით, ვინისიუს ჟუნიორთან ახალ კონტრაქტზე მოლაპარაკებები დაჩქარდება.

სამხრეთ-ამერიკელმა ფეხბურთელმა სამეფო კლუბთან ერთად ვარჯიში აგვისტოს დასაწყისში უნდა დაიწყოს, იქამდე დიდი დროა, თუმცა პერესს სურს, რომ ვარჯიშის დაწყებამდე ყველაფერი გარკვეული იყოს.

ამ კვირაში სამეფო კლუბი აპირებს, რომ კიდევ ერთხელ დაუკავშირდეს ვინისიუსის გარემოცვას და დამატებითი დეტალები მიმოიხილოს.

ესპანური გამოცემების ცნობით, თუ „7“-იანი ახალ ხელშეკრულებაზე უარს იტყვის, მისი წასვლის შანსი სერიოზულად გაიზრდება.