სამეფო კლუბის გენერალური დირექტორი უახლოეს მომავალში ედუარდო კამავინგას აგენტს შეხვდება. არსებული ინფორმაციით, ეს შეხვედრა იქამდე შედგება, სანამ ჟოზე მოურინიო პრესეზონს დაიწყებს.

„რეალს“ ფრანგი ნახევარმცველის გაყიდვა სურს და მიიჩნევს, რომ მის სანაცვლოდ 60-65 მილიონი ევროს მიღება საუკეთესო გამოსავალი იქნება.

თავად კამას კი განსხვავებული პოზიცია აქვს და სჯერა, რომ სამეფო კლუბში თავის დამკვიდრებას შეძლებს.

არსებული ინფორმაციით, ჟოზე ფრანგზე გათვლას არ აკეთებს, „ბლანკოსში“ კი ამ საკითხზე დიდ რისკებს ხედავენ.

თუ კამავინგა დარჩება და მოურინიო მას არ გამოიყენებს, ნახევარმცველის ფასი შემცირდება, რაც პერესის გეგმებში არ შედის.

პრეზიდენტს სურს, რომ ედუ გაყიდოს და მის სანაცვლოდ სოლიდური თანხა მიიღოს, რაც დამატებითი ტრანსფერების განხორციელების საშუალებას მისცემს.