ამ ზაფხულს „რეალის“ ნაბიჯები შესაძლოა მეტისმეტად არაპროგნოზირებადი გახდეს.

ესპანური გამოცემების ცნობით, ფლორენტინო პერესს კიდევ 3 ტრანსფერის განხორციელება აქვს მიზნად დასახული, რომლის ჯამურმა ღირებულებმაც შესაძლოა 400 მილიონი ევრო შეადგინოს.

ალესანდრო ბასტონისთან დაკავშირებით კლუბს დიდი წინსვლა აქვს და მალე ის შესაძლოა მადრიდელი გახდეს. „ბლანკოსის“ ბიუჯეტი ამ ტრანსფერზე 60 მილიონი ევროა.

მეორე ფავორიტი ენცო ფერნანდესი გახლავთ, რომლის დამატებაც პერესს 120 მილიონ ევროდ სურს, თუმცა „არისტოკრატების“ მოთხოვნა 140 მილიონია. ამ მიმართულებით ვაჭრობა და მოლაპარაკებები აუცილებლად გაგრძელდება.

და ბოლოს, სამეფო კლუბის უმთავრესი მიზანი მაიკლ ოლისეა, რომელიც მხოლოდ იმ შემთხვევაში გაიყიდება, თუ საფეხბურთო ისტორიაში ახალ სატრანსფერო რეკორდს ვიხილავთ და „ბლანკოსი“ 223 მილიონ ევროს გადაიხდის.

ამ ეტაპზე „რეალი“ მაქსიმალურად ცდილობს ფეხბურთელების გაშვებას და თანხების მობილიზებას, ვინაიდან მადრიდულ ოფისებში აგვისტოში „ცხელ ტრანსფერებს“ აანონსებენ.