„ვალენსიას“ მარტინესის იჯარა სურს
მადრიდის „რეალმა“ „ვალენსიასგან“ შეთავაზება მიიღო. „ღამურები“ მზად არიან, ახალგაზრდა კანტერანო ხოან მარტინესს 1 წლიანი საიჯარო ხელშეკრულება გაუფორმონ.
„მესტალიელები“ ახალგაზრდა მცველს ხშირ სათამაშო დროს პირდებიან და მიიჩნევენ, რომ მათი დაცვითი რესურსი მარტინესის ტრანსფერის პირობებში მნიშვნელოვნად გაიზრდება.
ესპანური გამოცემების ცნობით, „რეალი“ ამ წინადადებით დაინტერესებულია, ვინაიდან ჟოზე მოურინიო კანტერანოების მთავარ გუნდში ინტეგრაციას ამ ეტაპზე არ აპირებს. პორტუგალიელის აზრით, ახლა გამოცდილი მცველების დროა, სწორედ ამიტომ აქცენტი რუდიგერზე, მილიტაოზე, კონატესა და დინ ჰაუსენზე გაკეთდება.
იმ ფონზე, რომ რაულ ასენსიოს მადრიდული მომავალიც ბურუსით არის მოსული, მარტინესის შანსები კიდევ უფრო მცირდება.
„მარკას“ ცნობით, მოლაპარაკებები წარმატებით მიმდინარეობს, სიახლეებს კი უახლოეს მომავალში შევიტყობთ.
- 29 ივნისი 2026
- 765
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
