ესპანური გამოცემების ცნობით, მილანის „ინტერი“ მადრიდის „რეალს“ დაუკავშირდა და მალე ოფიციალური წინადადებითაც მიმართავს.

იტალიურ კლუბს ედუარდო კამავინგა აინტერესებს და მზად არის, ფლორენტინო პერესთან კომუნიკაციისთვის.

ესპანელთა ცნობით, „შავ-ლურჯები“ ფრანგი ნახევარმცველის სანაცვლოდ 60 მილიონ ევროს იხდიან, თუმცა ეს ყველაფერი არ არის. თუ კამავინგას პირველი კონტრაქტის ფარგლებში, „ინტერი“ სკუდეტოს მოიგებს (რაც საკმაოდ რეალურია), მადრიდული გუნდი დამატებით 7 მილიონ ევროს მიიღებს, ჩემპიონთა ლიგის მოგების შემთხვევაში, კი ეს თანხა 10 მილიონამდე გაიზრდება.

პერესი ახალ ფეხბურთელებზეა კონცენტრირებული, რაც ავტომატურად ნიშნავს იმას, რომ გუნდს გაყიდვებიც სჭირდება.

თავად კამავინგას კლუბის დატოვებს არ სურს, თუმცა დაველოდოთ მოვლენების განვითარებას.