ენრიკე რიკელმემ ჟურნალისტებთან მორიგი ინტერვიუ ჩაწერა, სადაც სამომავლო გეგმებზეც ისაუბრა.

„ყოველი ახალი თავგადასავალი დამატებითი გამოწვევაა, რომელსაც სათანადო პასუხი უნდა გავცე. ბოლო კვირებში „რეალთან“ ბევრი კვეთა მქონდა და მე მჯერა, რომ დაწყებული საქმე უნდა გავაგრძელო. საპრეზიდენტო არჩევნებში დავმარცხდი, თუმცა მცირე დრო მქონდა და გამარჯვებები ასე მარტივად არ მოდის.“ 

„ყოველთვის ჩემი პრინციპების ერთგული ვარ, ერთ-ერთი პრინციპი კი სამეფო კლუბის კეთილდღეობისთვის ყველაფრის გაკეთებაა. ისტორიის პატივისცემა და თანამედროვე ტენდენციების მაქსიმალური გამოყენება. სწორედ ეს იქნება „ბლანკოსის“ წარმატების საწინდარი.“

„თავმდაბლობით, ფესვგადგმულობით, ელეგანტურობით და პროფესიონალიზმით ყველაფერი მოდის. ეს იქნება დროში გაწელილი პროცესი, მაგრამ ჩვენ აუცილებლად დავუბრუნებთ „ბლანკოსს“ იმ დიდებას, რომელსაც ეს გუნდი საჭიროებს.“

„ახლა სათავეში არ ვართ, თუმცა ჩვენს წვლილს შევიტანთ კლუბის კეთილდღეობაში. არცერთი მიმართულებით არ ვნებდებით და გვჯერა, რომ მომავალში მეტი ადამიანი გვენდობა და გაიაზრებს, რას ვთავაზობთ მათ.“