როგორც მოგეხსენებათ, 2 დღის წინ მადრიდის „რეალმა“ ოფიციალური განცხადება გაავრცელა და მაიკლ ოლისეს ტრანსფერზე ყველაფერი უარყო.

ეს იმას არ ნიშნავს, რომ ფლორენტინო პერესს ფრანგი ფეხბურთელი არ აინტერესებს. ამ შემთხვევაში, „რეალმა“ გამოიჩინა დიპლომატია და მიუნხენის „ბაიერნთან“ წლების ნაშენები დიპლომატიური ურთიერთობები არ გაიფუჭა.

მადრიდული გრანდი ოლისეს კვლავ მიუბრუნდება. არაერთი გამოცემა წერს, რომ ეს საგა სატრანსფერო ფანჯრის ბოლო დღემდე შეიძლება გაიწელოს.

თავად „რეკორდმაისტერს“ ახალგაზრდა შემტევის პოზიცია აინტერესებს, რის შემდეგაც საბოლოო გადაწყვეტილებას მიიღებს.

ესპანური გამოცემების ცნობით, თუ „რეალი“ „ბაიერნის“ ვარსკვლავში 225 მილიონ ევროს გადაიხდის, ამ ტრანსფერს წინ ვეღარაფერი აღუდგება.