მადრიდის რეალმა გავრცელებულ ინფორმაციებთან დაკავშირებით ოფიციალური განცხადება გააკეთა.

სხვადასხვა მედიასაშუალებაში გავრცელებულ ინფორმაციასთან დაკავშირებით, რომელიც ეხება ჩვენი კლუბის სავარაუდო ინტერესს მიუნხენის „ბაიერნის“ ფეხბურთელ მაიკლ ოლისეს მიმართ, მადრიდის „რეალს“ სურს განაცხადოს, რომ მას არანაირი პირდაპირი თუ ირიბი კონტაქტი არ ჰქონია აღნიშნულ ფეხბურთელთან, მის წარმომადგენლებთან ან მის გარემოცვასთან.

რეალს ასევე, სურს ხაზი გაუსვას იმ ბრწყინვალე ინსტიტუციურ ურთიერთობას, რომელიც მას მიუნხენის „ბაიერნთან“ აკავშირებს - კლუბთან, რომელთანაც ურთიერთპატივისცემის, თანამშრომლობისა და აღიარების ხანგრძლივი ისტორია აერთიანებს და წუხილს გამოთქვამს ისეთი სპეკულაციების გავრცელების გამო, რომლებიც სიმართლეს არ შეესაბამება.

ორ კლუბს შორის არსებული ურთიერთობა ყოველთვის ეფუძნებოდა ნდობასა და ორმხრივ პატივისცემას. ეს სხვა ასპექტებთან ერთად, აისახება საერთო პრინციპში, რომლის თანახმადაც, მეორე კლუბის კუთვნილი ფეხბურთელის მიმართ ნებისმიერი შესაძლო ინტერესი, პირველ რიგში, თავად კლუბებს შორის უნდა განიხილებოდეს. აღნიშნული სრულად შეესაბამება იმ ინსტიტუციური ერთგულების წესებს, რომლებიც ისტორიულად განსაზღვრავს მიუნხენის „ბაიერნისა“ და მადრიდის „რეალის“ ურთიერთობას.