როგორც ჩანს, ტურინის „იუვენტუსი“ ბრაჰიმ დიასის ტრანსფერს სერიოზულად უყურებს.

„ბებერი ქალბატონის“ ხელმძღვანელობა უახლოეს მომავალში მადრიდში ვიზიტის და მოლაპარაკებების დასრულებას გეგმავს.

იტალიელები მზად არიან, ბრაჰიმის სანაცვლოდ 40 მილიონი ევრო გადაიხადონ, საიდანაც 30 მილიონს „რეალი“ 31 აგვისტომდე მიიღებს, ხოლო დანარჩენ თანხას 31 დეკემბრამდე.

„იუვეს“ მესვეურები მიიჩნევენ, რომ დიასი მათ გუნდს სერიოზულად გააძლიერებს და საჭიროა ქმედითი ნაბიჯების გადადგმა.

იმ ფონზე, რომ „რეალი“ სატრანსფერო ბაზარზე ძალიან გააქტიურდა, ფეხბურთელების გაშვება გარდაუვალია. შესაბამისად, ტურინული მხარე სწორ დროს გააქტიურდა.