ლუკა მოდრიჩმა ინგლისისა და ხორვატიის ნაკრების დაპირისპირების წინ პრესკონფერენცია გამართა, სადაც ჯუდ ბელინგემზეც ისაუბრა.

„უდავოდ, ჯუდ ბელინგემი ინგლისის ერთ-ერთი ყველაზე სახიფათო მოთამაშეა. ჩვენ ერთად 2 სეზონის განმავლობაში ვითამაშეთ და კარგად ვიცი, რა შეუძლია ახალგაზრდა ნახევარმცველს. მეტსაც გეტყვით, მის შესაძლებლობებს და პერსპექტივას საზღვარი არ აქვს და მჯერა, რომ კოლოსალურ პროგრესს აჩვენებს.“

„ბელინგემი ძალიან კარგად კითხულობს თამაშს და ბურთის ფლობის საოცარი უნარი აქვს.“

„ინგლისი რთული მეტოქეა. ჩემი აზრით, ტომას ტუხელის რესურსი ამ მუნდიალზე ამოუწურავი იქნება, ვინაიდან მის განკარგულებაში ტოპ ვარსკვლავები არიან.“

„მსოფლიო ჩემპიონატის შემდეგ კარიერის დასრულება? ახლა ამაზე არ ვფიქრობ, რადგან წინ უმნიშვნელოვანესი თამაშებია.“

„ის, რომ მუნდიალზე ბოლოჯერ გამოვდივარ ფაქტია, ციფრებს ვერსად გავექცევი.“