ესპანური გამოცემების ცნობით, იოშკო გვარდიოლის შემდეგ, სამეფო კლუბში რიკარდო კალაფიორის კანდიდატურაც გამორიცხეს.

ახლა „ბლანკოსი“ მთელ ძალისხმევას ნიკო შლოტერბეკის ტრანსფერზე გადაიტანს.

მადრიდელებს სურთ, რომ გერმანელი მცველი ბერნაბეუზე 6 წლით მოხვდეს და ამისთვის მზად არიან, 60 მილიონი ევრო გამოყონ.

ნიკო მსოფლიო ჩემპიონატზეც ამტკიცებს, რომ საოცარ ფორმაშია და უმაღლეს დონეზე შეუძლია თამაში.

„ას“-ის ინფორმაციით, შლოტერბეკის აგენტი „ბლანკოსის“ წარმომადგენლობასთან მჭიდრო კავშირშია.