ბრიტანული გამოცემების ცნობით, იოშკო გვარდიოლისა და მანჩესტერ „სიტის“ შორის ინტენსიური მოლაპარაკებები მიმდინარეობს.

მანჩესტერულმა კლუბმა ხორვატ მცველს ხელფასის 50%-ით გაზრდა შესთავაზა, რაც ისედაც მაღალი ხელფასის ფონზე, უდიდესი ზრდაა, ეს ყველაფერი კი მადრიდის „რეალის“ ამოცანას უკიდურესად ართულებს.

„ბლანკოსი“ ხორვატ მცველს ვერ შესთავაზებს იგივე პირობებს, რასაც ინგლისური კლუბი სთავაზობს.

„მარკას“ ინფორმაციით, „რეალი“ მოვლენების განვითარებას ელოდება, თუმცა საკუთარ შეთავაზებას ძალაში ტოვებს და იოშკოს 6 წლით თანამშრომლობაზე ესაუბრება.