დღეს საფეხბურთო სამყარო ერთ-ერთი ყველაზე ტიტულოვანი და პატივსაცემი სპეციალისტის, კარლო ანჩელოტის დაბადების დღეს აღნიშნავს. იტალიელი ლეგენდა, რომელმაც თავისი სახელი ოქროს ასოებით ჩაწერა სპორტის ისტორიაში, 67 წლის გახდა! მისი საფეხბურთო მემკვიდრეობა უნიკალურია, თუმცა განსაკუთრებულ ელფერს მას მადრიდის „რეალთან“ დაკავშირებული ეპოქა სძენს. კლუბთან, სადაც „დონ კარლომ“ მწვრთნელის რანგში ახალი სიმაღლეები დაიპყრო და გულშემატკივართა გულები სამუდამოდ მოიგო.

მადრიდულ გრანდში ანჩელოტის ისტორია ნამდვილ საფეხბურთო საგას ჰგავს. სწორედ მისი ხელმძღვანელობით, 2014 წელს, სამეფო კლუბმა ნანატრი და ისტორიული მეათე ჩემპიონთა ლიგის თასი - „ლა დესიმა“ მოიპოვა, რაც კლუბის ახალი ოქროს ხანის დასაწყისად იქცა. სანტიაგო ბერნაბეუზე მეორედ დაბრუნების შემდეგ კი, იტალიელმა სტრატეგმა კიდევ ერთხელ დაამტკიცა თავისი გენიალურობა, როდესაც გუნდს ევროპული ტრიუმფები კვლავ მოუტანა, მის ანგარიშზე ასევე არის შიდა ჩემპიონატიც, რითიც გახდა ერთადერთი მწვრთნელი ისტორიაში, ვისაც ევროპის ტოპ  5 ჩემპიონატი აქვს მოგებული.

ტაქტიკურ დიდებულებასთან ერთად, კარლო ანჩელოტის მადრიდული წარმატების მთავარი საიდუმლო მისი ადამიანური თვისებები, გასახდელში იდეალური ჰარმონიის შექმნის უნარი და მოთამაშეებთან მამაშვილური დამოკიდებულებაა. მისი ცნობილი, მშვიდი გამოხედვა და ქარიზმა მადრიდელთა ვარსკვლავურ შემადგენლობას ყოველთვის მყარ საყრდენსა და თავდაჯერებულობას უქმნიდა. იგი არ არის უბრალოდ ტაქტიკოსი, იგი არის ფსიქოლოგი და ლიდერი, რომლისთვისაც ფეხბურთელები მოედანზე მაქსიმუმს გაიღებენ.

ჩვენი გვერდის სახელით, უდიდესი პატივისცემით ვულოცავთ ამ დიდებულ ადამიანსა და მწვრთნელს 67 წლის იუბილეს! ვუსურვებთ მას ჯანმრთელობას, ამოუწურავ ენერგიას და კიდევ უამრავ ისტორიულ გამარჯვებას ახლა უკვე ბრაზილიის ნაკრებში.  მადლობა იმ ემოციებისთვის, თავმდაბლობისთვის და ერთგულებისთვის, რომლითაც იგი „რეალ მადრიდს“ წლები მიუძღვოდა.. ბედნიერი დაბადების დღე, დონ კარლო!