მადრიდის „რეალსა“ და „ადიდასს“ შორის მეგა შეთანხმება განხორციელდა, რომელიც როგორც ერთ, ასევე მეორე მხარეს უდიდეს ფინანსურ მოგებას მოუტანს.

ახალი ხელშეკრულებით, მხარეები პარტნიორი 2034 წლამდე იქნებიან. აღსანიშნავია, რომ უკვე ათწლეულებია „ადიდასი“ და სამეფო კლუბი წარმატებით თანამშრომლობენ, თუმცა ახალი კონტრაქტი დამატებით ბენეფიტებს მოიცავს.

ფლორენტინო პერესმა კონტრაქტის გაფორმების შემდეგ განაცხადა: „შეთანხმება, რომელსაც დღეს ვაფორმებთ, ყველაზე მნიშვნელოვანია ფეხბურთის ისტორიაში. „რეალ მადრიდისა“ და „ადიდასის“ სტრატეგიული ალიანსი ამ სამი ათწლეულის განმავლობაში დაგვეხმარა, გამოგვევლო ჩვენი ისტორიის ერთ-ერთი ყველაზე დიდებული ეტაპი. ამასთანავე, მან ხელი შეუწყო იმ უნივერსალური გრძნობის გაღვივებას, რასაც მადრიდისტობა ჰქვია“.