ენრიკე რიკელმემ სამომავლო გეგმებთან დაკავშირებით ისაუბრა.

„არჩევნები დასრულდა. ფლორენტინო პერესმა გამარჯვებას მიაღწია და მე მას მივულოცე. რა თქმა უნდა, არსებობდა ხმების გარკვეული რაოდენობა, რომელიც სადაო იყო, თუმცა ამ შემთხვევაში, გადამწყვეტი მნიშვნელობა არ ჰქონია და სტატისტიკაზე ვერ იმოქმედებდა.“

„ჩვენ ვაგრძელებთ ბრძოლას და გვჯერა, რომ 2 კვირიანი კამპანიის ფარგლებში ამხელა მაჩვენებლების დაფიქსირება, სამომავლო წარმატების საწინდარია.“

„„რეალის“ სათავეში მოვალთ და აუცილებლად ავიხდენთ ოცნებას, რომელსაც ამ კლუბის რესურსის თვისობრივი ზრდა ჰქვია.“

„დარწმუნებული ვარ, ჩვენს გვერდით ბევრი ავტორიტეტული ფიგურა დადგება. ვიცით, რამდენად რთული პროცესია წინ, მაგრამ უნდა მოვემზადოთ ახალი ეტაპებისთვის და ამ კლუბის სხვა სიმაღლეზე ასაყვანად ვიბრძოლოთ.“