ენდრიკ ფელიპე ბრაზილიის ნაკრებში შესანიშნავად გამოიყურება და მსოფლიო ჩემპიონატისთვის ემზადება.

ბოლო ტესტ მატჩში, რომელიც „სელესაომ“ ეგვიპტის ნაკრების წინააღმდეგ გამართა, ენდრიკმა შანსი მიიღო და გამარჯვების გოლიც გაიტანა.

ფაქტია, რომ ახალგაზრდა მადრიდელი ძალიან კარგ ფორმაშია და კარლო ანჩელოტის ნდობასაც იმსახურებს.

ენდრიკი მუნდიალზე დიდი მოტივაციით მიდის და ხვდება, რომ ეს მისი შანსია. თუ ფელიპე  ბრაზილიის ნაკრებში გაიბრწყინებს, „რეალში“ მისი ადგილი გარანტირებული იქნება.