21 წლის ნიჭიერი პორტუგალიელი ნახევარმცველი, მატეუშ ფერნანდეში მადრიდის „რეალის“ რადარზეა.

მოთამაშე, რომელმაც ინგლისის პრემიერლიგაში ძალიან დიდი პროგრესი აჩვენა, მანჩესტერ „იუნაიტედის“, „ლივერპულის“ და ლონდონის „არსენალის“ ყურადღებასაც იპყრობს.

ფერნანდეშს „ვესტ ჰემთან“ კონტრაქტი 2030 წლის 30 ივნისამდე აკავშირებს, მაგრამ ეს გარემოება „ბლანკოსს“ არ აკავებს.

ესპანური გამოცემების ცნობით, სამეფო კლუბი მატეუშის სანაცვლოდ 45 მილიონი ევროს გადახდას აპირებს და მიიჩნევს, რომ მასზე მრავალწლიანი გათვლის გაკეთება იქნება შესაძლებელი.