ესპანური გამოცემების ცნობით, დენზელ დუმფრისი მადრიდის „რეალში“ გადასვლასთან ახლოს არის.

სამეფო კლუბი ნიდერლანდელ განაპირა მცველთან 6 წლიან თანამშროლობას გეგმავს.

არსებული ინფორმაციით, „ინტერისა“ და დენზელის კონტრაქტში დევს პუნქტი, რომლის მიხედვითაც, მსურველი კლუბის მხრიდან 25 მილიონი ევროს გადახდის შემთხვევაში, დუმფრისს ხელშეკრულების შეწყვეტა შეეძლება.

გამოდის, რომ თუ „ბლანკოსი“ 25 მილიონს გაიღებს, დენზელი ბერნაბეუზე გადავა.

„მარკას“ ცნობით, ეს შეთანხმება დროის საკითხია და დაცვის მარჯვენა ფლანგზე კარვახალს სწორედ დუმფრისი ჩაანაცვლებს, რომელიც ტრენტ ალექსანდერ არნოლდთან შევა კონკურენციაში.