ესპანური გამოცემების ცნობით, ერლინგ ჰალანდი ენრიკე რიკელმეს ერთ-ერთი მთავარი სატრანსფერო დაპირება იქნება.

„რეალის“ პრეზიდენტობის კანდიდატი ჰალანდისთვის 190 მილიონ ევროს ამზადებს.

ამ ეტაპზე მანჩესტერ „სიტიში“ სიტუაცია არეულია და ფეხბურთელების გადინების ტენდენცია შეინიშნება.

როდრის მომავალი ბურუსით არის მოცული, იგივეს თქმა შეიძლება იოშკო გვარდიოლსა და რამდენიმე სხვა მოთამაშეზე.

რაც შეეხება ჰალანდს. ერლინგი ამ ეტაპზე სიმშვიდეს ინარჩუნებს, მაგრამ კულუარული ინფორმაციებით, პეპ გვარდიოლას წასვლის გამო ნორვეგიელი დემოტივირებულია და ახალი გამოწვევის მიღება სურს, „რეალი“ კი მართლაც იდეალური ვარიანტი იქნება.