დღეს, 1 ივნისს 2 წელი გავიდა მას შემდეგ, რაც მადრიდის „რეალმა“ ჩემპიონთა ლიგის მე-15 თასი მოიგო.

ფინალი, რომელიც „უემბლიზე“ შედგა, რა თქმა უნდა, დაუვიწყარია „ბლანკოსის“ თითოეული ქომაგისთვის.

სამეფო კლუბის მეტოქე „დორტმუნდი“ გახლდათ, გოლების გატანა კი დანიელ კარვახალმა და ვინისიუს ჟუნიორმა შეძლეს.

აღსანიშნავია, რომ ფინალამდე მიმავალი გზა ურთულესი იყო, სადაც „ბლანკოსმა“ „ლაიფციგის“, მანჩესტერ „სიტის“ და მიუნხენის „ბაიერნის“ ბარიერის დაძლევა შეძლო.

ფინალში სამეფო კლუბის შემადგენლობა ასე გამოიყურებოდა:

კურტუა, კარვახალი, რუდიგერი, ნაჩო, მენდი, ვალვერდე, კამავინგა, კროოსი, ბელინგემი, როდრიგო, ვინისიუსი