სამეფო კლუბის პრეზიდენტობის კანდიდატი, ყველაზე ამბიციურ სატნრასფერო ზაფხულს აანონსებს.

ახალგაზრდა ბიზნესმენი აცხადებს, რომ გუნდში ვიცე პრეზიდენტის კანდიდატურაზე ანტონიო მედინა კუადროსი განიხილება, რომელიც ასევე დამატებით ინვესტიციებს განახორციელებს ტრანსფერებში.

მადრიდის „რეალი“ 5-7 ფეხბურთელის მოყვანას გეგმავს, გვარები კი მართლაც შთამბეჭდავია.

რიკელმეს აზრით, გარდამტეხი ცვლილებების და გუნდის სერიოზული გაძლიერების გარეშე, „რეალი“ ფონს ვერ გავა. ეს იქნება ნაბიჯი, რომელიც სამეფო კლუბს მოკლევადიან პერსპექტივაში მოუტანს წარმატებას, ხოლო საშუალო და გრძელვადიან პერსპექტივაზე მუშაობა ზაფხულიდან დაიწყება.

ენრიკე რიკელმე ღიად ამბობს, რომ მისი გაპრეზიდენტების შემთხვევაში, გუნდის მთავარ მწვრთნელად იურგენ კლოპს მოიყვანს და სატრანსფერო საკითხებშიც ჩართავს, თუმცა უკვე ცნობილია, რომ გუნდი იბრძოლებს ბასტონის, ჰალანდის, ენცოს და სხვა ვარსკვლავების შესაძენად.

ამასთანავე, რიკელმე ღიად აცხადებს, რომ გუნდს არაერთი მოთამაშე დატოვებს, ასევე გამორიცხული არ არის, რომ მათ სიაში მაღალი დონის ვარსკვლავებიც ვიხილოთ.