დანი კარვახალი მადრიდის „რეალის“ ქომაგებმა სათანადოდ გააცილეს.

სანტიაგო ბერნაბეუზე შეკრებილმა პუბლიკდამ „ბილბაოსთან“ მატჩის შემდეგ დანი სათანადოდ გააცილა.

დიდი ოვაციები, ბევრი ცრემლი, მიმართვა და სითბო. სწორედ ეს ვიხილეთ „რეალის“ არენაზე.

რა თქმა უნდა, შეუფასებელია ღვაწლი, რომელიც ესპანელ ფეხბურთელს „ბლანკოსის“ უდიდეს წარმატებაში აქვს შეტანილი.

ფლორენტინო პერესმა დანისთვის სპეციალური კონსტრუქცია მოაწყო და მის მიერ მოგებული ყველა თასი გამოიტანა.

„რეალი“ ყოველთვის იქნება კარვახალის სახლი!

Gracias Dani!