ესპანური გამოცემების ცნობით, ჟოზე მოურინიოს ფავორიტი ცენტრალური მცველი ალესანდრო ბასტონია.

27 წლის იტალიელში ჟოზე უდიდეს ძალას ხედავს და მიიჩნევს, რომ ეს შეთანხმება აუცილებლად უნდა შედგეს.

თავის მხრივ, პრეზიდენტი პერესი „განსაკუთრებულს“ პირდება, რომ მილანის „ინტერთან“ მოლაპარაკებებს აწარმოებს და მოთამაშის სანაცვლოდ 70 მილიონ ევროს შესთავაზებს.

ბასტონის „ინტერთან“ კონტრაქტი 2028 წლის ზაფხულში ეწურება, „რეალი“ კი 6 წლიან თანამშრომლობას შესთავაზებს.

ასევე აუცილებლად უნდა აღინიშნოს, რომ ალესანდროს კანდიდატურით კატალონიის „ბარსელონაც“ ინტერესდება.