მადრიდის „რეალი“ მანჩესტერ „სიტისთან“ მოლაპარაკებების დაწყებას გეგმავს. სამეფო კლუბს იოშკო გვარდიოლს უკავშირებდნენ.

სანამ იოშკო პრემიერლიგაში წავიდოდა, ის „რეალის“ რადარზე გახლდათ. გვარდიოლის ბერნაბეუზე ხილვაზე ლუკა მოდრიჩი ოცნებობდა, მაგრამ ფლორენტინო პერესმა მაშინ შესაბამისი თანხის გადახდაზე უარი თქვა.

როგორც ჩანს, „ბლანკოსი“ მაშინდელ გადაწყვეტილებას ნანობს და ახლა ხორვატის დამატება აქვს განზრახული.

„სიტიში“ ბევრი რამ იცვლება, მათ შორის მწვრთნელი. მადრიდული გრანდი კი აღნიშნული სიტუაციის გამოყენებას აპირებს და გვარდიოლის დამატება აქვს მიზნად დასახული.

„მარკას“ ინფორმაციით, მადრიდელები იოშკოს 6 წლიან კონტრაქტს შესთავაზებენ.

ხელშეკრულება, რომელიც ხორვატს „სიტისთან“ აკავშირებს, 2028  წლამდეა ძალაში.