• საპრეზიდენტო არჩევნებს სამი წლით ადრე ნიშნავს.

• ამბობს, რომ მის წინააღმდეგ მიმდინარეობს კამპანია გამოგონილი ამბებით, მათ შორის იმითაც, თითქოს მას კიბო აქვს.

• ამოიღო ტელეფონი, დაიწყო სიახლეების კითხვა და სიცილი; მათ შორის წაიკითხა ABC-ის დღევანდელი ამბავი, თითქოს მან ვიწრო წრეში თქვა, რომ დაიღალა.

• ამბობს, რომ მუშაობს როგორც ცხოველი, დღე და ღამე.

• აცხადებს, რომ ვისაც მის წინააღმდეგ ჭორები გამოაქვს, შეუძლიათ არჩევნებში გამოიწვიონ.

• ახსენებს ხალხს, რომ მისი პრეზიდენტობისას „რეალმა“ 76 ტიტული მოიგო.

• ამბობს, რომ „რეალი“ მსოფლიოში ყველაზე პრესტიჟული კლუბია და ტყუილია, თითქოს გუნდი დანგრევის პირასაა.

• ნეგრეირას საქმეს ფეხბურთის ისტორიაში უდიდეს სკანდალს უწოდებს.

• ამბობს, რომ Transfermarkt-ის მიხედვით, „რეალს“ მსოფლიოში ყველაზე ძვირადღირებული შემადგენლობა ჰყავს.

• აცხადებს, რომ უეფა-ს წარუდგენს დოსიეს, რათა წერტილი დაუსვას იმ ფაქტს, რომ ნეგრეირას ეპოქის მსაჯები კვლავაც მუშაობენ.

• ამბობს, რომ RELEVO (მედია, რომელიც დაიხურა) ლა ლიგასთან ერთად მუშაობდა და შეიქმნა მხოლოდ იმისთვის, რომ ჩირქი მოეცხო „რეალისთვის“ და ფლორენტინო პერესისთვის.

• დაიწყო კამათი ABC-ის ჟურნალისტთან.

• ამბობს, რომ მამამისის პატივსაცემად გააუქმებს ABC-ის გამოწერას.

• იხსენებს, რომ როდესაც „რეალში“ მოვიდა, ფინანსური მდგომარეობა ისეთი ცუდი იყო, რომ კლუბი ხელფასებს ვერ უხდიდა მოთამაშეებსა და თანამშრომლებს. ახლა კი კლუბს აქვს წარმოუდგენელი ფინანსური მდგომარეობა, სარეკორდო შემოსავლები და ყველაზე ძვირადღირებული გუნდი.

• ამბობს, რომ არ არის სიმართლე, თითქოს ბერნაბეუს რეკონსტრუქციაზე დაგეგმილზე მეტი დაიხარჯა.

• ამბობს, რომ მზადაა ყველას და ყველაფერს ებრძოლოს.

• აცხადებს, რომ ლა ლიგა „რეალის“ მტერია.

• ამბობს, რომ „რეალმა“ მოიგო სუპერლიგის საქმე და ის, რაც გააკეთეს, ფეხბურთის სიკეთეს ემსახურებოდა, რათა აფრიკელ ბავშვებს ფეხბურთის ყურება უფასოდ შეძლებოდათ.

• კიდევ ერთხელ წაიკითხა ABC-ის სიახლე, თითქოს მან თქვა, რომ დაიღალა.

• ამბობს, რომ არ ისაუბრებს მოთამაშეებზე, მწვრთნელებზე ან სპორტულ მხარეზე.

• კიდევ ერთხელ იმეორებს, რომ გააუქმებს ABC-ის გამოწერას.

• ამბობს, რომ მსოფლიოში ყველას უყვარს იგი.

• ამბობს, რომ კლუბი სპორტული მხარის ანალიზს არჩევნების შემდეგ გააკეთებს.

• აცხადებს, რომ ეს არ არის დიქტატურა.

• ამბობს, რომ ის ისტორიაში ყველაზე წარმატებული პრეზიდენტია.

• ამბობს, რომ ეს არ არის პირველი შემთხვევა, როცა „რეალში“ ორმა მოთამაშემ იჩხუბა - ყოფილა სეზონები, როცა ეს მუდმივად ხდებოდა.

• აღნიშნა, რომ დღეს ABC-მ მის წინააღმდეგ ორი სტატია დაწერა, მათგან ერთის ავტორი ქალია და მან ისიც კი არ იცის, ესმის თუ არა ამ ქალს ფეხბურთი.

• კიდევ ერთხელ კითხულობს ABC-ის ამბავს დაღლილობის შესახებ.

• ამბობს, რომ არ არსებობს კლუბი, რომელმაც მსაჯებს ფული გადაუხადა და ამას მშრალად გადაურჩა.

• ამბობს, რომ იციან, ვინ გაიტანა ეს ინფორმაცია კლუბიდან.

• ამბობს, რომ ჩუამენი და ვალვერდე საუკეთესო ბიჭები და საუკეთესო მოთამაშეები არიან.

• ამბობს, რომ ტრაბახი არ უნდა, მაგრამ მისი კომპანია მილიარდებს გამოიმუშავებს რამდენიმე კონტინენტზე.

• ამბობს, რომ სიმართლე ისაა, რომ „რეალს“ მისი პრეზიდენტობისას კოლოსალური წარმატება ჰქონდა.

• სთხოვს სხვა ჟურნალისტებს, სიტყვა დაუთმონ იმ გოგონას, რადგან დანარჩენები „უშნოები არიან“.

• ამბობს, რომ მას 7 ლა ლიგა მოჰპარეს.

• ამბობს, რომ მხოლოდ კლუბის ინტერესების დაცვა სურს და არ სჭირდება პუბლიკა, დიდება ან ძალაუფლება.

• ამბობს, რომ ამ სეზონში „რეალს“ ლა ლიგაში 18 ქულა მოჰპარეს.

• ამბობს, რომ ნამდვილი „სოსიოები“ (კლუბის წევრები) მოთამაშეებს სტვენას კი არ უწყებენ, არამედ მხარს უჭერენ.

• ამბობს, რომ გულშემატკივრებისგან სტვენა მოთამაშეებს სტკენთ.

• აცხადებს: „უნდა მომკლან, რომ კლუბიდან გამაგდონ“.

• დაემშვიდობა ყველას და თქვა, რომ იმედი აქვს, ამ ჟურნალისტებს ვეღარასოდეს ნახავს