ჰანსი ფლიკი:„მბაპე ძალიან მაღალი დონის ფეხბურთელია“
ჰანსი ფლიკმა „რეალთან“ მატჩის წინ პრესკონფერენცია გამართა.
„კილიან მბაპე მადრიდის „რეალის“ ყველაზე სახიფათო ფეხბურთელია, ის საკუთარი შესაძლებლობებიდან გამომდინარე საუკეთესოდ მიმაჩნია.“
„არ ვიცი, თამაშობს თუ არა „ბლანკოსი“ კილიანის გარეშე უკეთესად, მაგრამ ის, რომ მბაპე უდიდესი ვარსკვლავია ფაქტია.“
„არეულობა „რეალში“? ეს არ არის ჩემი გუნდი და რა თქმა უნდა, ვერ ვინტერესდები მოვლენებით, რომელიც მადრიდში ხდება.“
„ჩემი საქმე კატალონიის „ბარსელონას“ მომზადებაა. ჩვენ შეგვიძლია ლა ლიგა ამ შეხვედრაში გავიფორმოთ, ამიტომ ბოლომდე ვიბრძოლებთ პოზიტიური შედეგის მისაღწევად.“
„მთელი სეზონის განმავლობაში ფანტასტიკური ფეხბურთი ვაჩვენეთ, რაც ლა ლიგაში მოპოვებულ ქულებზეც აისახება. მივიჩნევ, რომ ასე უნდა გავაგრძელოთ და საქმე ბოლომდე მივიყვანოთ.“
„ახლა „რეალის“ დამარცხების გარდა არაფერზე ვართ ორიენტირებულები. „ელ კლასიკო“ ესპანეთში საუკეთესო თამაშია, ეს დაპირისპირება უდიდესი პოპულარობით სარგებლობს.“
„ეს შეხვედრა მნიშვნელოვანია ქომაგებისთვის, მწვრთნელისთვის, ფეხბურთელებისთვის, ყველასთვის. უნდა გავიმარჯვოთ და ამისთვის ყველაფერს ვიღონებთ.“
- 9 მაი 2026
- 1 546
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
