მოურინიოს მთავარი სატრანსფერო მოთხოვნა „ბაიერნის“ ვარსკვლავია!
ჟოზე მოურინიოს სატრანსფერო გეგმა უკვე ჩამოყალიბებული აქვს. „განსაკუთრებული“ ითხოვს, როგორც დაცვის, ასევე ნახევარდაცვის და თავდასხმის გაძლიერებას.
არსებული ინფორმაციით, პორტუგალიელი სპეციალისტის მთავარი მოთხოვნა მიუნხენის „ბაიერნის“ ვარსკვლავია, რომლის გადმობირებაც დიდ სირთულეებთან იქნება დაკავშირებული.
საქმე ეხება ოლისეს, რომელიც ნამდვილად ვარსკვლავად ჩამოყალიბდა. ჟოზე მიიჩნევს, რომ ფრანგი მოთამაშეს დამატება ძალიან მნიშვნელოვანი იმ მომაკვდინებელი და უსწრაფესი შეტევის ხაზისთვის, რომლის ჩამოყალიბებაც მას აქვს გეგმაში.
მოურინიოს დროს წინა ხაზში რონალდუ, ბენზემა და დი მარია იყვნენ, ის ოცნებობდა ბეილზეც, თუმცა ვერ დაიმატა, შემდეგ კი უელსელი კარლო ანჩელოტის ეპოქაში მოვიდა.
ახლა ჟოზე მიიჩნევს, რომ სწორედ ოლისეს შეუძლია იმ ფუნქციების შესრულება, რომელსაც გარეთი ასრულებდა და მის ანგარიშზე არაერთ საგოლე გადაცემასთან ერთად უმნიშვნელოვანესი გოლებიც ფიქსირდებოდა.
ჟოზე ოცნებობს, რომ წინა ხაზში ვინისიუსი, მბაპე და ოლისე იხილოს, ამისთვის კი „რეალმა“ ყველაფერი უნდა იღონოს.
არაოფიციალური ინფორმაციით, სამეფო კლუბი ოლისეს ტრანსფერისთვის 140 მილიონი ევროს გამოყოფას გეგმავს.
- დღეს, 11:41
- 115
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
