ესპანური გამოცემების ცნობით, მადრიდის „რეალმა“ დანი კარვახალს შეატყობინა, რომ სეზონის ბოლოს ემშვიდობება.

ლეგენდა კლუბს ტოვებს. მადრიდული გრანდი სპეციალურ ღონისძიებას დაგეგმავს, სადაც კარვახალს სათანადოდ გააცილებს.

ასევე ცნობილია, რომ ბერნაბეუზე გასამართ ბოლო დაპირისპირებაში დანის საოცარ გაცილებას მოუწყობენ.

ფლორენტინო პერესი მიიჩნევს, რომ ახლა განშორებისთვის ყველაზე კარგი დროა.

სამეფო კლუბი ზაფხულში ახალ მარჯვენა მცველზე იზრუნებს, რომელიც ტრენტთან იქნება კონკურენციაში.