მადრიდული გრანდის ოფიციალურმა ვებგვერდმა მორიგი ოფიციალური განცხადება გაავრცელა.

ორელიან ჩუამენი და ფედერიკო ვალვერდე დისციპლინური კომიტეტის წინაშე წარდგნენ და კომიტეტმა მათი პოზიციები მოისმინა.

ორივე მოთამაშემ ბოდიში მოიხადა და სინანული გამოთქვა მომხდარის გამო.

გარდა ამისა, ფეხბურთელებმა ბოდიში მოუხადეს თანაგუნდელებს და დადეს პირობა, რომ მსგავსი რამ აღარასდროს განმეორდება.

კომიტეტის გადაწყვეტილებით, ფეხბურთელებს 500 000 ევროიანი ჯარიმის გადახდა დაეკისრათ.