მადრიდის „რეალის“ და თითოეული ფეხბურთელის კონტრაქტში დევს პუნქტები, რომელიც ფეხბურთელებს არაერთ ვალდებულებას უჩენს, მათ შორის თანაგუნდელების პატივისცემას, ეთიკის და დისციპლინის დაცვას და ასე შემდეგ.

ის, რაც ფედერიკო ვალვერდესა და ორელიან ჩუამენის შორის გუშინ და დღეს მოხდა, არაერთ ნორმას არღვევს, „ბლანკოსი“ კი თვალის დახუჭვას არ აპირებს და აუცილებლად მიიღებს შესაბამის ზომებს.

დაისჯება როგორც ერთი, ასევე მეორე ფეხბურთელი.

„მარკას“ ინფორმაციით, ფლორენტინო პერესმა საგანგებო თათბირი მოიწვია, სადაც ეს საკითხი მწვავედ იქნება განხილული. პრეზიდენტი არ დაუშვებს კლუბის იმიჯის შელახვას და მსგავსი ფაქტების რეაგირების გარეშე დატოვებას.