ესპანური გამოცემების ცნობით, ტონი კროოსის „რეალში“ დაბრუნება ფაქტობრივად გადაწყვეტილია.

გერმანელი ლეგენდა სპორტულ მენეჯმენტში დასაქმდება და სტრატეგიული გადაწყვეტილებების მიღებაში მიიღებს მონაწილეობას. მეტიც, ფლორენტინო პერესი მას საკმაოდ სოლიდურ მანდატს მისცემს და გადამწყვეტი სიტყვის თქმის საშუალებაც ექნება.

ტონი დაგეგმავს სეზონებს, სატრანსფერო მიმართულებების ნაწილსაც გაუკეთებს ანალიტიკას და სპორტულ მიმართულებაში ბევრ ცვლილებას შეიტანს.

„მარკას“ ცნობით, კროოსის დაბრუნების გაოფიციალურება დროის საკითხია და ის გუნდთან ძალიან ახლოს არის.