ტიაგო პიტარჩი ალვარო არბელოას ეპოქაში ფაქტობრივად სასტარტო შემადგენლობის მოთამაშედ იქცა, მაგრამ ამ ეტაპზე მისი მომავალი გაურკვეველია.

ტიაგოს მომავალს სამეფო კლუბის ახალი მწვრთნელი გადაწყვეტს. მადრიდის „რეალმა“ მკაფიოდ იცის, რომ პიტარჩის არ გაყიდის და თუ ის წავა, მხოლოდ იჯარის წესით.

ფლორენტინო პერესს სჯერა ნახევარმცველის შესაძლებლობების.

„ას“-ის ინფორმაციით, თუ მთავარ მწვრთნელად ჟოზე მოურინიო დაინიშნება, ტიაგო აუცილებლად წავა, ვინაიდან პორტუგალიელს სულ სხვა სტილი აქვს.

კლოპის დანიშვნის შემთხვევაში კი ვითარება შესაძლოა შეიცვალოს, ვინაიდან იურგენს უყვარს ისეთი ნახევარმცველები, რომლებმაც ბურთის ფლობა და განაწილება იციან.

აუცილებლად უნდა აღინიშნოს, რომ ტიაგოს მსურველები ინგლისიდან,  იტალიიდან და საფრანგეთიდან ჰყავს.