არბელოა:,,წასვლაზე არ ვფიქრობ, საზრუნავი მხოლოდ 3 ქულაა"
ალვარო არბელოამ „ესპანიოლთან“ დაპირისპირების წინ პრესკონფერენცია გამართა.
„საკმაოდ რთული მატჩი გველის, მაგრამ ყველაფერს გავაკეთებთ მოსაგებად. მომზადებისთვის დიდი დრო გვქონდა და მივიჩნევ, რომ გუნდი 3 ქულის მოსაპოვებლად მზად არის.“
„სებალიოსი? რაც ხდება გასახდელში, რჩება გასახდელში. აქ ყოფნის მრავალწლიანი გამოცდილება მაქვს და „ბლანკოსის“ სტანდარტს ვერ შევეწინააღმდეგები.“
„ახალი მწვრთნელი? მხოლოდ ხვალინდელ შეხვედრაზე ვარ ორიენტირებული და სხვა არაფერზე. მესმის, რომ თქვენი ინტერესის საგანი „რეალის“ ირგვლივ არსებული მოვლენებია, მაგრამ როგორც გითხარით, მე ახლა „ესპანიოლზე“ ვფიქრობ.“
„გონსალო გარსია საკმაოდ ნიჭიერი ფეხბურთელია. არ ვიცი, წავა თუ არა ის ზაფხულში. ამას კლუბი და თავად ფეხბურთელის გარემოცვა გადაწყვეტს. მე მჯერა კანტერანოს შესაძლელობების და ვიცი, რომ დიდი ფეხბურთელი დადგება.“
„ფრანკო მასტანტუონოს დიდი მომავალი აქვს, არგენტინელი ბევრს შრომობს და ცდილობს, ევროპულ ფეხბურთთან ადაპტირდეს. ნუ დაგავიწყდებათ მისი ასაკი.“
„თუ „რეალიდან“ წავალ, რა თქმა უნდა მსურს, რომ „ბარსელონა“ დამარცხებული მყავდეს. წინ დიდი „ელ კლასიკო“ გველის და დარწმუნებული ვარ, ჩვენ შეგვიძლია ამ შეხვედრის მოგება, მაგრამ როგორც გითხარით, ახლა სხვა პრიორიტეტებზე ვფიქრობ, ახლა ჩემი საზრუნავი „ესპანიოლის“ დამარცხებაა.“
„როდესაც სამეფო კლუბის გერბს იცავ, ყველა მომენტში პროფესიონალიზმი უნდა გამოიჩინო.“
- 2 მაი 2026
- 916
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
