მოგეხსენებათ ამ ზაფხულს, სამეფო კლუბის ჰოლანდიელი მოთამაშე, როისტონ დრენტე, ალიკანტეს ჰერკულესში გადავიდა, მაგრამ ტრანსფერი სრული არ არის, შავკანიანი ფეხბურთელი ალიკანტელებს იჯარის წესით შეუერთდა და სამეფო კლუბს მისი გამოსყიდვა შეუძლია.

31 ოქტომბერს ლა ლიგის მე-9 ტურში ჰერკულესის ფეხბურთელები სწორედ მადრიდელებს დაუპირისპირდებიან, ალიკანტელთა მთავარ მწვრთნელს კი დრენტეს გამოყენება არ შეეძლება, რადგან ტრანსფერის დოკუმენტაციაში ჩაიდო პუნქტი, რომლის თანახმადაც თუკი როისტონი "ბლანკოსის" წინააღმდეგ ითამაშებს, ამ გუნდს 2 მილიონი ევროს გადახდა მოუწევს "თეთრებისთვის" ამიტომ ძნელად სავარაუდოა, რომ ფეხბურთელმა დედაქალაქელთა წინააღმდეგ ითამაშოს.