ესპანური და იტალიური გამოცემების ცნობით, მადრიდის „რეალმა“ „კომოს“ ხელმძღვანელობას შეატყობინა, რომ სამეფო კლუბი ნიკო ფასს იბრუნებს.

არგენტინელი მოთამაშე პრე-სეზონს სამეფო კლუბში დაიწყებს. მადრიდში დარწმუნდნენ, რომ ნიკო საოცარ დონეზე ავიდა და ახლა საკუთარი ნიჭი და შესაძლებლობები „მერენგებს“ უნდა მოახმაროს.

არსებული ინფორმაციით, „მერენგებმა“ შესაბამისი პროცედურების გატარება უკვე დაიწყეს.

„რეალს“ სულ რაღაც 9 მილიონი ევროს გადახდა მოუწევს იმისთვის, რომ ნიკოს საკონტრაქტო უფლებების 100% გამოისყიდოს.