ალვარო არბელოამ „ალავესის“ დამარცხების შემდეგ პრესკონფერენცია გამართა.

„დიდი მადლობა ქომაგებს. ჩვენ ვგრძნობდით მხარდაჭერას, რომელიც გვჭირდებოდა.“

„სითბო ვინისიუსის მიმართ? ბრაზილიელის მიმართ გარკვეულ მომენტებში სტვენაც იყო, მაგრამ საბოლოო ჯამში, სამხრეთ-ამერიკელმა დიდი ოვაციები დაიმსახურა.“

„დარწმუნებული ვარ, რომ მადრიდისტებს ვინი ძალიან უყვართ.“

„ლა ლიგაში ბოლომდე ვიბრძოლოთ. ვნახოთ, რა შედეგებს დააფიქსირებს მეტოქე. ახლა ყველაფერი ჩვენზე არ არის დამოკიდებული.“

„ვინის განახლება? დარწმუნებული ვარ, ის „მერენგების“ რიგებში დიდხანს დარჩება.“

„კიდევ 6 მატჩი დარჩა, სადაც „რეალის“ მიზანი დამატებით 18 ქულის მოპოვება იქნება.“

„მე ვფიქრობ, რომ ჯუდ ბელინგემი საკმაოდ კარგად პროგრესირებს, მაგრამ ჯერ კიდევ აქვს მოსამატებელი. დიდხნიანი ტრავმის შემდეგ, ინლისელმა ფეხბურთელმა სრულფასოვანი დატვირთვების მიღება დაიწყო და ახლა მოედანზე 90 წუთის გატარება თავისუფლად შეუძლია.“

„კარვახალი მუნდიალზე? ის ძალიან გამოცდილი და დიდი ქარიზმის მქონე მოთამაშეა. მე ვერ ჩავერევი „ფურია როხას“ საქმეებში.“

„კამავინგა გუნდისთვის მნიშვნელოვანი ფიგურაა, მან ახალგაზრდა ასაკში არნახული გამოცდილება მიიღო.“