დანიელ კარვახალი სულ მალე სამეფო კლუბის გენერალურ დირექტორს შეხვდება.

საუბარი შეეხება ესპანელი ლეგენდის მომავალს. დანის გუნდში დარჩენა და დამატებით 1 წლიანი კონტრაქტი სურს.

არაოფიციალური ინფორმაციით, „ბლანკოსს“ საბოლოო გადაწყვეტილება ჯერ-ჯერობით მიღებული არ აქვს და სხვა ფეხბურთელის მოყვანაზე აკეთებს გათვლას, რომელიც ტრენტ ალექსანდერ არნოლდის კონკურენტი იქნება.

კაპიტანი ღიაა და პირდაპირ ამბობს, რომ მისი ოცნება ბერნაბეუზე დარჩენაა.

ასევე ცნობილია, რომ თუ ესპანელი გუნდს დატოვებს, კარიერას მაღალი ალბათობით ამერიკის შეერთებულ შტატებში ან საუდის არაბეთში გააგრძელებს.