მადრიდის „რეალმა“ ანტონიო რუდიგერს ოფიციალურად შესთავაზა ახალი კონტრაქტი.

„მერენგები“ მზად არიან, გერმანელ ფეხბურთელთან კიდევ 1 წლით ითანამშრომლონ, ამ ყველაფრის კვალდაკვალ კი უკანახაზელმა 2 წლიანი ხელშეკრულება ითხოვა.

„ას“-ის ინფორმაციით, პერესი პოზიციის შეცვლას არ აპირებს და ანტონიოს პირდება, რომ 1 წლიანი კონტრაქტი არ ნიშნავს დასასრულს. თუ მოთამაშე მოწოდების სიმაღლეზე იდგება, ის დამატებით 1 წელს მომდევნო ზაფხულსაც მიიღებს.

რუდიგერს მოსაფიქრებლად 2 კვირა განუსაზღვრეს, თუმცა ეჭვი არავის ეპარება, რომ გამოცდილი მცველი ბერნაბეუზე დარჩენაზე უარს არ იტყვის.