მადრიდის „რეალისთვის“ მიმდინარე სეზონიც დასრულებულია. ფაქტია, რომ გუნდი ტიტულის გარეშე მეორე სეზონს ატარებს.

არც ლა ლიგა, ასევე სამეფო თასი და არც ჩემპიონთა ლიგა. მიუხედავად იმისა, რომ „ბლანკოსი“ „ალიანც არენაზე“ ღირსეული იყო, გუნდში ფუნდამენტური ცვლილებებია საჭირო.

ფლორენტინო პერესი უნდა მიხვდეს, რომ ძირეული ცვლილებებისა და ეფექტური მწვრთნელის გარეშე გუნდი შედეგებს ვერ დადებს.

ფაქტია, რომ „რეალს“ აქვს პერსპექტივა, მაგრამ არსებულ რესურსს სწორი მიმართვა სჭირდება.

არაერთი ავტორიტეტული გამოცემის ცნობით, 2026 წლის ზაფხულში „მერენგების“ რიგებში უამრავი ცვლილება განხორციელდება.