ალვარო არბელოამ მიუნხენის „ბაიერნთან“ დაპირისპირების წინ პრესკონფერენცია გამართა.

„გუნდი ძალიან მონდომებულია და დარწმუნებული ვარ, „ალიანც არენაზე“ საუკეთესო ფეხბურთს ვითამაშებთ. ჩვენ გვჯერა ჩემპიონთა ლიგის 1/2 ფინალში გასვლის.“

„ჩვენ მადრიდის „რეალი“ ვართ. ამ გუნდისთვის შეუძლებელი არაფერია, მითუმეტეს ჩემპიონთა ლიგაზე. დიახ, ამ გერბის პატივისცემამ შეაძლებინა ფეხბურთელებს 15-ჯერ ჩემპიონთა ლიგის თასის აღმართვა.“

„ორელიან ჩუამენი დიდი დანაკლისი იქნება, მაგრამ ჩვენ ყველაფერი უნდა გავაკეთოთ, კომფაქტური და ეფექტური ნახევარდაცვის რგოლის ჩამოსაყალიბებლად. ჩვენ გვყავს ტიაგო, ასევე კამავინგა, სება და სხვები. რესურსი არსებობს, მთავარია ერთიანობა გვქონდეს.“

„„ბაიერნს“ დიდი ისტორია აქვს და ჩვენს პატივისცემას იმსახურებს. ვიმედოვნებ, შევძლებთ „ალიანც არენაზე“ გამარჯვებას და ახალი ისტორიის შექმნას.“

„გუნდს სჭირდება თავდაჯერებული თამაში, ეს უმნიშვნელოვანესი კომპონენტი იქნება. ფეხბურთელებმა საკუთარი ძალების უნდა ირწმუნონ.“

„„ბლანკოსისთვის“ შეუძლებელი და ამოუხსნელი ამოცანა არ არსებობს. სიმართლე გითხრათ, ძალიან ოპტიმისტურად ვარ განწყობილი და მჯერა ჩემი ფეხბურთელების.“

„ალბათ ამბიციური არ იქნება, თუ ვიტყვი, რომ „ბაიერნის“ დამარცხების შემთხვევაში, „რეალი“ ჩემპიონთა ლიგის უპირობო ფავორიტის სტატუსს მოირგებს.“