ორელიან ჩუამენი მიუნხენის „ბაიერნის“ წინააღმდეგ ვერ იასპარეზებს. ფრანგ ნახევარმცველს დისკვალიფიკაცია აქვს, ალვარო არბელოა კი საგონებელშია ჩავარდნილი.

ესპანელმა სპეციალისტმა ჯერ კიდევ არ იცის, როგორ დააკომპლექტოს ნახევარდაცვა.

„ას“-ის ცნობით, არბეს ედუარდო კამავინგას გამოყენება არ სურს და მიიჩნევს, რომ ნახევარმცველი კარგ კონდიციაში არ არის.

ამასთანავე, ალვარო ენდობა ტიაგო პიტარჩის, თუმცა ეს უკანასკნელი ჩამშლელი ნახევარმცველი ნამდვილად არ არის.

მადრიდული გამოცემები იუწყებიან, რომ ფედე ვალვერდე და ჯუდ ბელინგემი აუცილებლად სასტარტო შემადგენლობაში იქნებიან, დანარჩენ მოთამაშეებთან დაკავშირებით კი ცნობები არ ვრცელდება.

ხვალ „ბლანკოსი“ გერმანიაში შემაჯამებელ ვარჯიშს გამართავს, რის შემდეგაც არბელოა საბოლოო გადაწყვეტილებას მიიღებს.