ტონი კროოსმა „რეალისა“ და „ბაიერნის“ წინა მატჩი შეაფასა და „ალიანც არენაზე“ გასამართ შეხვედრაზე ისაუბრა.

„ბოლო წლებში „ბაიერნმა“ „რეალის“ წინააღმდეგ არაერთი საინტერესო და ეფექტური თამაში ჩაატარა, მაგრამ გამარჯვებული მუდმივად სამეფო კლუბი რჩებოდა. ის, რაც ბოლოს ბერნაბეუზე ვიხილეთ, ორმაგ ეჭვებს ბადებს. ის, რომ პირველ ტაიმში კომპანის გუნდი უკეთესი იყო, აქტია და არანაირ კამათს არ ექვემდებარება, მაგრამ ის უკან დახევა, რაც „ბაიერნმა“ 0:2-ს შემდეგ აჩვენა და ის თავდაუზოგავი შრომა, რაც მადრიდელთაგან ბოლო 20 წუთში ვიხილეთ, ნამდვილად იძლევა იმის თქმის საშუალებას, რომ არავინ იცის რა მოხდება „ალიანც არენაზე“. სამეფო კლუბის ფეხბურთელებმა აშკარად აჩვენებს პერსპექტივა და პოტენციალი, მიუნხელები კი შეშინებულის პოზიციაში იდგნენ.“

„მეგონა, რომ „რეკორდმაისტერი“ გააგრძელებდა დომინირებას, სრულად გამოიყენებდა, როგორც ანგარიშის მხრივ, ასევე მენტალურ უპირატესობას და სხვაობის გაზრდას შეეცდებოდა, თუმცა სულ სხვა სურათი ვიხილეთ.“

„მე-60 წუთიდან 75-ე წუთის ჩათვლით „რეალს“ კიდევ 2-ჯერ შეეძლო მეტოქის კარის აღება. ვინისიუსი გოლის გატანასთან ძალიან ახლოს იყო. რაღაც მხრივ „ბლანკოსს“ იღბალმაც შეაქცია ზურგი, თუმცა სამართლიანობისთვის ისიც უნდა ვთქვათ, რომ მატჩის მიწურულს „ბაიერნს“ კიდევ შეეძლო ანდრეი ლუნინის კარის აღება.“

„ერთ ბურთიანი უპირატესობა „ბაიერნისთვის“ მყარი ვერანაირად ვერ იქნება. მიმაჩნია, რომ „ალიანც არენაზე“ მოვლენები ძალიან მოულოდნელად შეიძლება განვითარდეს.“

„ჩავალ თუ არა გერმანიაში? სავარაუდოდ არა.“